Тина Манолева, ќерка на заменик министерката за здравство Маја Манолева, е директор на компанијата Соле 24, која редовно му продава големи количества струја на ЕСМ, објави Фактор.

Минатата недела, Тина Манолева, по професија електротехнички инжињер, стана нов управител на компанијата Соле 24, која доби лиценца за тргување со електрична енергија во 2021, па во 2022 прерасна во една од најголемите компании за продажба на струја на слободниот пазар.

Зад компанијата како сопственик стои албански државјанин.

Тина Манолева од пред некое време е сопственик и на фирма која треба да се бави со угостителство, односно кафе бар во ново отворениот трговски Дајмон Мол.

Партнери на ќерката и синот на Манолева се Бранкица и Катерина Тунџеви, ќерките на Борис Тунџев, долгогодишниот директор на Агенцијата за катастар на недвижности.