Од денеска се укинати драстичните ограничувања на движење во провинцијата Хубеи, која беше жариште на коронавирусот во Кина.
По повеќе месеци сега пак ќе можат да патуваат повеќе од 50 милиони жители во оваа кинеска провинција.
Некои аеродроми и железнички станици повторно работат, иако училиштата сè уште се затворени.
Кинеската телевизија прикажува снимки на кои се гледа како жителите излегуваат на улиците и ја напуштаат покраината по неколку месеци, јавува Би-Би-Си.
Сепак, изолацијатаостанува на сила во градот Вухан каде карантинот се очекува да биде укинат на 8 април.
Во последните 24 часа во Кина не се откриени случаи на локална зараза, но регистрирани се 47 случаи на заболени лица кои доаѓаат од странство, главно Кинези кои се враќаат дома.
Повеќе од 81,000 заразени лица од Ковид-19 се регистрирани во Кина од крајот на декември, а 3,281 лица починаа.
