Хрватскиот претседател Зоран Милановиќ изјави дека е против проширувањето на НАТО во Украина, пренесоа загрепските медиуми.
„Додека сум претседател, ќе бидам против НАТО да се прошири каде било“, изјави Милановиќ.
Изјавата на хрватскиот претседател, која е спротивна на политиката на „отворени врати“ на Северноатлантската алијанса, доаѓа во време на растечки тензии меѓу Русија, која собира војници на украинската граница, и западните земји кои ја предупредуваат да не напаѓа Украина.
„Мислам дека тој што се залага за проширување на НАТО во Украина го загрозува и хрватскиот интерес. Бидејќи сме во НАТО, утре некој може да испрати наши луѓе таму“, го објасни својот став Милановиќ пренесе N1
