Холандскиот експерт за Балканот Ханс Ван ден Берг објавува дека македонскиот премиер Димитар Ковачевски имал средба во Минхен која тој или владата не ја обавија меѓу другите средби на Минхенскиот форум за безбедност.
Ковачевски на својот Твитер и Фејсбук профил објави фотографии од повеќе други средби но не и за средбата со синот на милијардерот Џорџ Сорос.
,,Кога ќе помислите дека новиот македонски премиер би можел поинаку да пристапи кон работите, дознавате дека се сретнал со ,,мешателот” (Преспа, Отворен Балкан, итн) Александар Сорос (наводно на „мрежен настан“ на МСЦ за ,,кукли”). Подалеку од Парламентот, медиумите, невладините организации, народот итн..”, открива Ван Дер Берг.
Just when you think the new Macedonian PM might approach things differently, you learn he met with mega-meddler (Prespa, Open Balkans, etc) Aleksander Soros (allegedly also at MSC 'networking event' for puppets/puppeteers/). Away from Parliament, the media, NGOs, the people etc. pic.twitter.com/XxXpqggn84
— Hans van den Berg (@bipdirector) February 19, 2022
Лани слична средба која не беше промовирана од македонската влада пред јавноста се случи меѓу екс премиерот Заев и Александар Сорос кој истата ја објави на Инстаграм.
Во соопштението на владата кое го пренесуваме интегрално нема ни збор за средбата со синот на Џорџ Сорос.
Претседателот на Владата на Република Северна Македонија, покрај учеството во активностите на официјалната програма на Минхенската безбедносна конференција, на маргините на настанот на кој учествуваат повеќе од 30 шефови на држави и влади, како и голем број министри и претставници на меѓународни организации и мултилатерални асоцијации, се сретна и размени мислења со повеќе високи претставници на земјите учеснички на конференцијата.
Премиерот Ковачевски, заедно со претседателот на Владата на Република Бугарија имаше срдечна средба со државниот секретар на Соединетите Американски Држави, Ентони Блинкен за време на обраќањето на Потпретседателката на САД, Камала Харис.
Во разговорот државниот секретар Блинкен ја изрази својата целосна поддршка за дијалогот и пријателството меѓу Северна Македонија и Бугарија и ја сподели својата искрена желба да нѐ види заедно во ЕУ. Блинкен истакна дека САД останува наш посветен партнер во надминувањето на предизвиците.
На конференцијата во Минхен, премиерот Ковачевски се сретна и со премиерот на Обединетото Кралство, со кој заеднички оценија дека сојузништвото во НАТО е силен влог за безбедноста и стабилноста на Европа.
За време на средбата премиерот Џонсон рече дека како наш стратешки партнер во евроинтеграциските процеси, Обединетото Кралство ќе продолжи со силна меѓународна поддршка и му честиташе на премиерот Ковачевски за сите заложби на Владата на Северна Македонија за спроведување конструктивен дијалог со Софија кој ќе ни овозможи исполнување на нашите стратешки цели за интеграција во ЕУ.
Претседателот на Владата Ковачевски на Минхенската безбедносна конференција се сретна со претставничката на Мичиген во конгресот на САД Елиса Слоткин.
Како голем пријател на Северна Македонија, конгресменката Слоткин минатата година со задоволство прифати да се приклучи конгресната група за пријателство со Северна Македонија, кое дојде после нејзината исклучителна активност за членството на нашата земја во НАТО.
На средбата со премиерот Ковачевски, Слоткин истакна дека останува силен глас во поддршката за нашата земја во заедничките мисии за мир и безбедност со САД како сојузници во НАТО.
За одличната соработка со Баварија која ја имаме преку заедничката, меѓувладина комисија, на конференцијата во Минхен, премиерот Ковачевски разговараше со државната министерка за европски прашања и меѓународни односи на Баварија, Мелани Хумл.
Во фокусот на разговорот беше зајакнувањето на економската соработка со поврзување на стопанските комори и за соработка во други области, како и подготвеноста на Баварија да помогне во реформите на правосудството, борбата против корупцијата и во неопходната помош на нашиот пат кон ЕУ.
Премиерот Ковачевски во Минхен се сретна и со генералната секретарка на Регионалниот совет за соработка, Мајлинда Брегу.
Во разговорот со Брегу, Ковачевски нагласи дека Северна Македонија останува посветена на регионалната соработка и на реализација на сите иницијативи и процеси во рамките на Берлинскиот процес, и дека иницијативата „Отворен Балкан“, како нов импулс е комплементарна на овие процеси и дополнително ја мотивира регионалната соработка.
