Хан крева раменици за Македонија: Се уште преговараме, одложувањето е ризик (ВИДЕО)

Еврокомесарот за проширување Јоханес Хан денеска пред состанокот на Советот за надворешни работи на ЕУ изјави дека се уште се преговара за датумот на Македонија.

Австриецот вели дека секое одлагање носи ризик.

Видеото со изјавата на Хан на овој линк

https://tvnewsroom.consilium.europa.eu/events/20190617-foreign-affairs-council-june-2019/124224-1-arrival-and-doorstep-european-commissioner-hahn-part-1-20190617

Земјите-членки на Европската унија (ЕУ) треба да ги отворат преговорите за членство со Македонија што е можно побргу, посочи еврокомесарот за проширување Јоханес Хан, пред почетокот на Советот за надворешни работи на ЕУ во Луксембург.

– Можам само да повторам дека треба да се отворат преговори што е можно побргу, што би бил, не е само сигнал за Северна Македонија, туку за целиот регион – порача Хан, додавајќи дека евентуалното недоделување датум за преговори во најкус можен рок за Македонија може да влијае врз српско-косовскиот дијалог.

Можниот датум за преговори за Албанија и за Македонија се предвидува за септември, во нацрт-заклучоците на ЕУ.

Според Хан, ЕУ треба да ги исполни нејзините обврски кон земјите кои веќе тоа го сториле, а секое одлагање би донело непотребен ризик.

И високата претставничка за надворешна политика Могерини денеска потсети на една година од потпишувањето на Преспанскиот договор со барање Македонија да добие веднаш датум за преговори.