Грција има дури 140 коментари во делот од договорот кој што предвидува заедничка комисија со која ќе се решаваат учебниците во двете земји.
Тие се ставени на 7 страници густо напишан материјал во кој се бара Македонија да смени содржина во стотина учебници во кои според Атина има “иредентизам” и обид за извртување на историјата.
Грчката страна инсистирала Скопје и Атина безусловно да ги прифатат сите заклучоци на комисијата што ќе одлучува за ова прашање.
Грција прифатила и таа да направи анализа на забелешките од Македонска страна но според сознанијата на expres.mk од доброупатени извори во преговарачниот процес македонската страна има само една забелешка на грчките учебници.
