Го обвини Заев дека го излажал и ја запали членската книшка од СДСМ (ВИДЕО)

Револтиран граѓанин ја запали книшката на СДСМ и ги обвини Заев и Миликије Халими градоначалничка на Арачиново од СДСМ дека го излажале.

Жителот на селото Орланце на Општина Арачиново преку видео ја раскажа голготата што ја доживеал како резултат на лажните ветувања од премиерот Заев, но и градоначалникот на Арачиново, Миликије Халими и претседателот на огранокот на СДСМ-Арачиново, Агрон Халими.

Граѓанинот вели дека работел на скопскиот аеродром 18 години, но по здравствен проблем ја започнал постапката за добивање право на инвалидска пензија, но работите не оделе добро.

Тој вели дека по долго време не добил никаков одговор од пензискиот фонд или Министерството за труд и социјална политика и барал помош насекаде.

Беким Халими вели дека добил ветување директно од премиерот Заев дека ќе му се регулира работата и ќе добие инвалидска пензија, вели дека добил и ветувања и гаранции од градоначалничката Миликије Халими и претседателот на Огранокот на СДСМ во Арачиново.

Бекими вели, ме излажаа, ме оставија без пензија, без работа и здравје, без приходи.
Беким Халими во знак на револт ја запалил членската книшка на СДСМ.

Повеќе во видеото:

https://fb.watch/8bkrJuU2Md/