Фондот за здравство е пред колапс, граѓаните се соочуваат од утре да останат без лекови и без други здравствени услуги а СДСМ, ДУИ и Алијанса распишуваат конкурс за вработување на 61 партиски кадар во ФЗО.
Ова предупредување го објавува дополнителниот заменик технички министер за администрација и информатичко општество Стефан Андоновски од ВМРО-ДПМНЕ.
Андоновски открива дека 831 вработени во Фондот за здравство се загрижени за нивните примања, кои на предлог на Министерот за Финансии треба да им бидат намалени за 21% – 6000 денари просечно по човек.
Андоновски објавува дека истовремено е распишан конкурс за НОВИ ВРАБОТУВАЊА во ФЗОМ и тоа не еден или двајца, туку 61 ново вработување.
,,Намалувањето на платите е удар врз животниот стандард на 831 вработен. Апсурдот е во несфатливоста на процесот кој го наметнува Министерот за Финансии и Владата.
Дали тоа значи дека со намалување на платите на 831 вработен за 21% СДС и ДУИ треба да обезбедат средства за нови 61 партиско вработување?!
Резултатот:
Фондот ќе колабира. Граѓаните нема да можат да земат лек на рецепт на први февруари, нема да можат да се прават исплати од ФЗО кон граѓаните кои на пример користеле боледувања, нема да се исплаќаат рефундации за лекови, нема да се прават исплати ниту кон здравствените институции”, објави Стефановски кој вели дека тој и неговиот тим ја следат ситуацијата и согласно сите законски процедури ќе преземат активности за проверка на веродостојноста и оправданоста на нови вработувањбкои можат да го колабираат Фондот за здравство.
