Речиси два милиони евра за само една конференција која треба да се одржи во декември ќе бидат потрошени за министерскиот состанок на ОБСЕ со кој претседава Македонија.
Тасевски: Слупчане и Желино посилни од државата
Елмедин Адеми внукот на поранешниот министер Абдулаќим Адеми и неговата градежна фирма „Еуровиа“ од Желино ќе добијат 1.8 милиони евра за преадаптација на спортската сала „Борис Трајковски“.
Договорот е склучен на 21 август, а работниците веќе започнаа да работат во „Борис Трајковски“.
Јавната набавка е спороведена како отворена постапка без електронска аукција, а единствен критериум била најниската цена.
На тендерот се пријавиле вкупно четири компании и избрана била „Еуровиа“ на Ељмедин Адеми, внук на поранешниот министер од ДУИ, Абдулаќим Адеми, но и фирма која лани, заедно со нејзиниот сопственик, беше најголем донатор на ДУИ.
Исто така, сопственикот Ељмедин лани на ДУИ како физичко лице и донирал 2.509.200 денари, додека правното лице „Еуровиа“ донирало 1.845.000 денари.
„Еуровиа“ за неколку месеци добила на тендер неверојатни 4 милиони евра од државната каса. Освен Министерството за надворешни и министерството за внатрешни работи во мај годинава склучило договор со истата Еуровиа од Желено за изградба на полициска станица во општина Ародром вреден 2.1 милиони евра.
