Земјите-членки на ЕУ мора да почнат да се подготвуваат сега за нов бран на пандемијата на СОВИД-19 во есен и зима, рече европската комесарка за здравство Стела Кирикаидис, предупредувајќи дека има „алармантно зголемување“ на епидемијата, ја цитира Ројтерс нејзината изјава.
Киријакидис, исто така, рече дека пандемијата не е завршена.
„За жал, пандемијата покажа алармантно зголемување во неколку земји“, рече таа.
„Изминативе два месеци се подготвувавме за есен и зима, целосно свесни дека следниот пандемски бран не може и не треба да ги оптоварува нашите економии или нашите општества, особено во време кога ЕУ е погодена од војната во Украина и инфлацијата“, рече таа.
Киријакидис, која е од Кипар, објасни дека Комисијата побарала од земјите-членки да ги забрзаат бустер-вакцините за луѓето над 60 години и за оние од ранливите групи.
„Овие месеци треба да бидат подготвителни… За нашите здравствени системи да бидат подготвени за можни нови бранови, кои на пример може да се комбинираат со сезонски грип“, рече таа.
