По договорот за меѓусебна соработка меѓу СДСМ и ДУИ на локалните избори лани во октомври, логично е да се очекува и заеднички или консензуален кандидат за претседателските избори догодина, оценуваат експерти за МКД.мк, според кои тоа ќе биде логичен резултат на нивното заедничко владеење на државно и на локално ниво.
МКД.мк потсетува дека слоганот со кој ДУИ ја почна кампањата за претседателските избори во 2014 година беше „Не за едностран претседател“ и оценува дека партијата на Али Ахмети не се откажува од тоа.
„Сега ДУИ е за заеднички натпартиски кандидат Албанец, кој би ја добил и поддршката од СДСМ. Засега не се знае името на таквиот кандидат, но веќе се познати резервните варијанти на ДУИ за заеднички кандидат – универзитетскиот професор Денко Малески и Лазар Еленовски“, а овој план бил дослух на ДУИ со Тирана, пишува МКД.МК.
