„Илија Димовски, член на ВМРО ДПМНЕ, вчера во дебатниот магазин ‘Клик Плус’ на ТВ21 истакна дека би било штетно за демократските процеси Алијансата за Албанците да стане дел од Владата.“ – објави ТВ 21.
ТВ 21 пишува: „Станува збор за обид на власта да ги смири состојбите внатре во себе. Исто така, и СДС има одредени раслојувања – старо раководство, ново раководство, една фракција во партија, една фракција во Влада и.т.н. Кај ДУИ е веќе видливо дека има проблеми со дел од пратеничката група, а бројката на пратеници е ограничена.’ – кажа Димовски.“
„Според него, влезот на Алијансата за Албанците во Владата ќе биде од полза на СДСМ и ДУИ.“
Во ‘Клик Плус’ на ТВ21 Илија Димовски истакна дека Македонците во оваа држава пет години се надгласуваат. Според него, тие се и мајоризирани институционално и оти тоа сето тоа создава и фрустрација. ‘Тоа ќе создава дополнителни процеси во општеството во следните години. Во тој аспект, влезот на Алијансата за Албанците во Владата само ќе ги реши внатрепартиските проблеми во ДУИ и СДСМ, а на среден, или долг рок ќе создаде сериозни политички проблеми.’ – рече Димовски.“
„Илија Димовски во ‘Клик Плус’ на ТВ21 укажа дека кампањата пред потпишување на договорот беше да се смени името на државата и оти потоа ќе влеземе во ЕУ. Но, според него, од тоа ние добивме само бесплатна вакцинација во Врање, Србија и право за работа во Елбасан.“