„Координаторката на пратеничката група на Алијансата за Албанците Илире Даути побара од координаторот на пратеничката група на ДУИ Арбeр Адеми да каже кои се ‘Левица’ и проруските кругови во владината коалиција.“ – објави весникот на албански јазик „Лајм“.
„Лајм“ ја цитира координаторката Даути: „Кои се ‘Левиците’ и проруските кругови во владината коалиција? Ова е прашањето, на кое мора да одговорат Арбер Адеми и парламентарното мнозинство, пред да предложуваат што треба да прават другите, бидејќи на парламентарната седница за усвојување на заклучоците за францускиот предлог не дојдоа најмалку четворица пратеници, кои беа против францускиот предлог. Тие четворица пратеници се на иста линија со проруските сили. Да не беа пратениците од албанската опозиција, ќе беше реализиран рускиот план и ќе пропаднеше процесот.
„Тие треба да кажат: дали им се зачува ‘проевропската’ коалиција’, или во владејачката коалиција им влегоа проруски сили? Арбер Адеми треба да одговори и на прашањето: дали неговиот претседател Али Ахмети ги прекинал средбите со руските амбасадори?’ – вели Илире Даути, координаторката на пратеничката група на опозициската Алијанса за Албанците“
