Скопски адвокат и долгодишен политичар со иронија одговара на изјавата на Владата која им се закани на корумпираните функционери дека сериозно ќе бидат казнети.
“Им се стресоа јајцата”, со силна доза на иронија напиша Александар Тортевски чле на раководството на партијата Твоја.
Откако извештај на Стејт Департментот откри сериозна корупција во владини тендери Владата упати наводна сериозна порака до сите носители на јавни функции, државни службеници и граѓани дека учеството во коруптивни активности не се исплати и сериозно ќе биде казнето.
Владата на Северна Македонија со исклучително внимание ги разгледува сите наоди и аспекти од извештајот на Стејт департментот на САД, после што забелешките ќе бидат адресирани до засегнатите чинители со цел уште повеќе да ги зајакнеме антикорупциските политики и да ја подобриме инвестициската клима во земјава, одговорија од Владата откако вчера Стејт департментот преку Извештај упати остри критики за корупцијата за што го впери прстот кон власта и хаосот со законите.
„Владата е одлучна и сериозно посветена на решавање на наталожените и децениски проблеми, а справувањето со високата корупција и организиран криминал е на врвот на приоритетните национални реформи кои веќе испорачуваат резултати. Прочистувањето на правосудството, постојаното зголемување на транспарентноста на институциите, новата стратегија за конфискација на имот, дигитализацијата на институциите со која се отстранува човечкиот фактор при носењето одлуки и унапредувањето на системот за јавни набавки се неповратни процеси кои претставуваат препрека и закана за секој поранешен, актуелен и иден функционер кога е во прашање корупцијата“, се наведува во одговорот од Владата.
Одфогоорр на Тортевски во продолжение
Им се стресоа јајцата. https://t.co/RsL3Xivzl3
— Aleksandar Tortevski (@atortevski) July 24, 2021
