Претседателот на бугарската антимакедонска организација ,,Македонија” Виктор Стојанов кој има забрана за влез во земјава тврди дека е во контакт со македонската полиција која ќе ги придружува неговите следбеници на роденденот на Гоце Делчев.
Стојанов вели дека за редот и мирот на роденденот на Гоце ќе се грижат и бугарски полицајци и му се заблагодарува на МВР на Спасовски за соработката.
,,Дојдете да го почестиме Гоце Делчев заедно во Скопје сега на 4ти, во сабота! Нема да има и нема да се дозволи барикади, блокади или провокации! Во контакт сме со полицијата во Скопје и тие заедно со бугарското МВР ќе се погрижат за редот и мирниот тек на прославата! Имаме организиран превоз со автомобил од Софија. На граница ќе нè пречека полицијата на Северна Македонија и ќе обезбеди превоз до гробот и назад на Гоце. Во 11:30 часот на паркингот Калето ќе дојдат и нашите пријатели од Скопје и Бугарите од цела Македонија, иако поради страв од напади нема да ги има многу.
Им благодариме на Министерството за внатрешни работи на Македонија и на Министерството за внатрешни работи на нашата татковина што обезбедија ред и заедно го оддадоа Гоце во дух на разбирање и пријателство – како што ќе биде и во иднина! Дојдете да го почестиме Гоце на неговиот гроб во Скопје”, пишува Стојанов.
МВР се уште не ја демантира информацијата на Стојанов кој тврди дека Македонците се Бугари.
