Бугарин што празнеше банкомати во Македонија уапсен во Африка

„Царот“ на ограбувањето банкомати со лажни картички Мартин Д. од бугарскиот град Сандански, кој пред неколку години беше притворен во Македонија, но успеа да избега, уапсен е во Африка, пишува порталот „Струма“.

Тој е уапсен на туристички остров при обид да испразни банкомат и префрлен е во затвор на остров покрај брегот на централна Африка.

Мартин со овој „бизнис“ се занимавал со години и бил апсен и од полицијата во Сандански, но успевал да се извлече. Порано работел со соработници, кое заглавувале наместо него, но во последните неколку години ја променил тактиката и работел самостојно и најчесто во оддалечени туристички дестинации.

Во почетокот на април заминал во странство и веројатно неколку дена подоцна е уапсен.