Славното име на Холивуд Брус Вилис се повлекува од светот на актерството по неколку децении кариера, откри неговото семејство.

– Како семејство сакавме да им кажеме на сите оние кои го поддржуваат Брус дека се бори со здравствени проблеми и дека му е дијагностицирана афазија, која влијае на неговите когнитивни способности – ја започнува изјавата на семејството на актерот, потпишана од неговата сопруга Ема Хеминг, поранешната сопруга Деми Мур, како и од петте деца Румер, Скаут, Талула, Мејбел, Евелин.

„Ова е многу предизвикувачки период за нашето семејство и ние сме благодарни за љубовта, поддршката и сочувството. Ова сакаме да им го кажеме на обожавателите на Брус, бидејќи знаеме колку тој ви значи, како што вие нему. Како што секогаш вели Брус, треба да уживате, а ние планираме да го направиме тоа заедно.“

https://www.instagram.com/_u/demimoore/?utm_source=ig_embed&ig_rid=b65802c6-c185-47fe-89fc-3ab678224ea9&ig_mid=28788191-EF9F-4212-AC12-1EA3252506CA

Кај возрасните, називот афазија се однесува на нарушување на веќе стекнатиот јазик и говор. Афазијата е неможност да се користи јазикот: како таква, таа се манифестира преку сите јазични модалитети: влијае на способноста за слушање и зборување, читање и пишување и не зависи од слухот и видот.