Мандатарот за состав на нова влада на Црна Гора, Дритан Абазовиќ, во контекст на руската воена интервенција во Украина ги посочи неговата земја, Босна и Херцеговина, како и Македонија, како цели на Русија.
„Во ситуација на голем судир каков што е сега големите држави имаат можност да запалат мал оган на други места. Не велам дека ова е закана за Црна Гора, но ако постојат земји кои се мета, тоа се само три земји: БиХ, Црна Гора и Северна Македонија“, изјави Абазовиќ, кој смета дека неговата земја може да ги искористи случувањата во Украина за да го забрза својот пат кон полноправно членство во Европската унија.
