Бугарскиот клуб во Охрид е со скршени стакла откако врз нив биле фрлани камења. Инцидентот се случил ноќта околу 2 часот по полноќ, а на снимката од внатрешноста на клубот се гледаат повеќе парчиња стакло на подот, јавува БГНЕС.
Ова не е прв напад врз бугарски клуб во РСМ, потсетува Агецијата.
„На 12 октомври непознат вандал со секира го скршил знакот на културниот клуб „Цар Борис III“ во Охрид. Неколку дена претходно неколку стотици луѓе скандираа „Бугари, Татари и фашисти“ и ја гаѓаа зградата со јајца и камења.
Во јуни беше опожарена влезната врата на клубот „Ванчо Михаилов“ во Битола, а насилникот Ламбе Аламбаковски доби условна казна“, пишува БГНЕС.
Агенцијата потсетува дека пратениците на Собранието на Република Македонија на 17 октомври го одобрија воведувањето, по скратена постапка, на предлог-законот предложен од опозициската ВМРО-ДПМНЕ за изменување и дополнување на Законот за здруженија и фондации, а предлогот беше прифатен. едногласно од сите 84 присутни пратеници без ниту еден „против“ или „воздржан“.
