Полициски службеници во два наврати на лична адреса ја барале уредничката на Телма, Весна Јовановска Дојчиновска, по наредба на обвинител, за да учествува во распит за информација која воопшто не е објавена на ТВ Телма и на дигиталните сервиси на телевизијата. За ова реагираа од Агенцијата за аудио и аудиовизуелни медиумски услуги (АВМУ) од каде посочува дека ваквите дејствија можат негативно да се одразат на слободата на медиумите.
„Новинарите и останатите медиумски работници не смеат да бидат неосновано повикувани на службени полициски разговори, имајќи превид дека имаат заплашувачки ефект и во иднина можат да водат кон самоцензура. Ваквите постапки на истражните органи кон медиумските работници претставуваат притисок врз медиумите и нивно слободно работење“, се наведува во соопштението од АВМУ.
ТВ Телма вчера соопшти дека уредничка од телевизијата била повикана на информативен разговор за необјавена вест.
