По вчерашната одлука на Обвинителството да ги отфрли кривичните пријави против него и други инспектори вработени во Финасиската полиција (ФП), поранешниот директор финансиската полиција (ФП), Арафат Муареми вели дека поднел тужба против поранешната шефица на Обвинителството за за гонење организиран криминал (ОЈО ГОКК), Вилма Русковска.
„Задоволен сум што предметниот јавен обвинител по извршените проверки утврди и докажа дека не постои никакво незаконско работење, ниту пак сторено кривично дело од моја страна, во својство на директор на Управата за финансиска полиција“, вели во писмената изјава испратена до јавноста
„Одлуките на обвинителството потврдуваат дека во институцијата со која што јас раководев нема неправилности и незаконитости во периодот на моето директорување. Како што претходно тврдев, останувам на истиот став дека нападот кон мене беше исклучиво поради нечии лични цели и интереси, притоа злоупотребувајќи ја јавно обвинителската фунција со цел да ми се наштети мене, мојот углед и угледот на Управата“, вели Муареми.
До Основниот граѓански суд Скопје поднел тужба против Вилма Русковска, затоа што, како што вели, Русковска, „во неколку наврати во своите јавни излагања, иако свесна за невистинитоста на истите, продолжува да изнесува лажни и невистинити податоци, да лаже и да клевети“.
