По дводневни обиди и дури шест гласања за избор на претседател а Уставен суд, на оваа институција и се заканува сериозна криза.
Во трката за претседател на Уставен се Татјана Васиќ Бозаџиева Ана Павловска Данева, но во шсте гласања ниту едната ниту другата не обезбедија двотретинско мнозинство од 6 гласови од 9-те уставни судии, но не беше искажаа ни можност дека некоја од нив ќе се откаже од „трката“.
Закажана е седница за во понеделник но ако и тогаш не се избере претседател, Судот ќе биде блокиран, ќе нема кој да ги свикува седниците.
Да потсетиме, тригодишниот мандат на актуелната претседателка на Уставен, Добрила Кацарска, завршува во недела, на 2 јуни.
По тој датум, Генералниот секретар ќе може да ги врши административните работи во рамки на судот, но не може да ги организира седниците, ниту да носи одлуки. Одлуките се потпишуваат и објавуваат во Службен весник исклучиво со потпис од страна на претседателот на Уставен, за кој е се понеизвесно дали судот ќе го има од идната недела.
Деловникот наведува дека изборот ќе се повторува, се додека не се избере претседател на судот. Гласањето е тајно, а за се избере претседател потребни се шест гласа од вкупно 9 судии.
