Вкусен рецепт за љубители на морски специјалитети. За подготовка на секоја морска храна потребни се 5 работи, добро маслиново масло, лимон, лук, магдонос и бело вино… И тоа е тоа, убавината е во едноставноста..
Потребни состојки:
-1 кг. школки
-1-2 млади кромитчиња
-1 младо лукче или 1 чешне стар лук
-2-3 големи лажици маслиново масло
-1 чаша бело вино
– сол по потреба
– 1/2 китка магдонос
Подготовка:
Школките убаво се мијат, отворените школки ако има такви, се отстрануваат и се фрлаат.
Во тава на оган се ставаат ситно сечканиот лук и кромид, се запржува кратко и му се додава белото вино.
На виното му се додава солта и на крајот се додаваат школките.
Садот се покрива со капак и се остава 5-10 минути или додека не се отворат школките.
Неотворените шкоки исто така се отстрануваат.
Магдоносот се сечка и се додава откако школките се готови.
