Во упадот на манастирскиот имот „Св Атанасиј“ на тетовското Кале оштетена е црквата, искршени се сите прозорци и направена е сериозна материјална штета, соопштија од Тетовско-гостиварската епархија на МПЦ која утрово го пријавила случајот во полиција.
Ова се случува нецели десет дена по претходното пријавување на упад во манастирот и сквернавење на црквата со декорации од знаме на друга држава, јавува ТВ21.
Ново сквернавење на црквата Св.Атанасиј во Тетово – поставено албанското знаме
„Ова е време на големиот пост кога христијаните се подготвуваат за Христовото Воскреснување, а нашите сограѓани муслимани се во рамазански пости, па оттаму сметаме дека ова би требало да е време за преиспитување, созревање и будење на човечност“, соопшти Тетовско-гостиварската епархија.
