Американскиот претседател објави на својата социјална мрежа Truth Social дека планира да воведе царина од 100 проценти на сите филмови произведени надвор од САД и увезени на американскиот пазар.
„Филмската индустрија во Америка многу брзо умира. Други земји нудат секакви стимулации за да ги привлечат нашите филмски работници и студија надвор од Соединетите Американски Држави.
Холивуд и многу други делови од САД се уништени. Ова е организиран напад од други земји и затоа претставува закана за националната безбедност. Покрај сè друго, станува збор и за пораки и пропаганда!“
Затоа ги овластувам Министерството за трговија и Канцеларијата на трговскиот претставник на САД веднаш да го започнат процесот на воведување 100-процентни царини на сите филмови од странска продукција што влегуваат во нашата земја.
САКАМЕ ПОВТОРНО ФИЛМОВИ НАПРАВЕНИ ВО АМЕРИКА!“ напиша Трамп.
