Министерството за внатрешни работи во сабота (06.04.2024г.) во периодот од 08.00 до 15.00 часот ќе организира фотографирање за лични документи без закажан термин во подрачните канцеларии за управни работи низ државата (за граѓаните на Скопје само во пунктот “Пролет”) за граѓаните кои наполниле 18 години, а немаат никаков биометриски документ, ниту лична карта, ниту пасош.
,,Ги повикуваме граѓаните кои наполниле 18 години, а немаат никаков биометриски документ, да дојдат во сабота во подрачните канцеларии за управни работи низ државата, за да бидат фотографирани и навремено да им биде изработен личниот документ, со цел да можат да го остварат своето право на глас на претстојните избори”, објави техничкиот министер за внатрешни работи Панче Тошковски.
На овој начин се решава проблемот за сите кои немаат лични документи а сакаат да гласаат на изборите за прв пат.
