„Ние, како пратеници, имаме обврска да ја вратиме обврската кон судството.“ – изјави Халил Снопче, пратеникот од Алијансата за Албанците на Арбен Таравари, од коалицијата Вреди, зборувајќи за барањето за отповикување, за разрешување на членовите на Судскиот совет. Ова го објави информативната агенција на албански јазик „Журнал“.
„Ние сакаме да го отстраниме поразителното чувство кај граѓаните дека судството не може да функционира. Како пратеници имаме обврска да придонесеме за функционалноста на правосудниот систем и враќањето на довербата кон него, која во овој момент е само 2 процента.“ – додаде Снопче.
Според него, потребно е да постојат факти за покренатите интерпелации за членовите на Судскиот совет, а потоа да се преземат мерки. „Ако не ја процениме ситуацијата со цел да преземеме чекори за нејзино подобрување, тогаш како пратеници ќе придонесевме за тотален колапс на овој систем.“ – заклучи Халил Снопче.
