Повеќе извори запознати со состојбите во Сирија информираат дека скопскиот Албанец Абдул Јашари, познат и како Абу Катада ал Албани, добил чин полковник меѓу новите офицери на сириската армија.
Тој служел како водач на албанската група Џемати Албан (Џемат ал-Албан).
Водач на оваа група е 48-годишниот Абу Катада ал-Албани. Неговото вистинско име е Абдул Јашари и има високи советнички функции во раководството на Хајат Тахрир ал-Шам (ХТС) од каде што доаѓа новиот сириски лидер.
Абдул Јашари е роден во Скопје, Македонија, на 25 септември 1976 година, откриваат негови блиски луѓе.
Иако го дели истото презиме како косовецот Адем Јашари, двајцата не се во роднинска врска.
Групата Џемати Албан првпат се појавува во 2012 година, една година по почетокот на Сириската граѓанска војна.
Првично, групата дејствувала под Џебхат ал Нусра, или Фронт Нусра, кој беше сириски огранок на Ал Каеда.
Членовите на Џемати Албан првенствено доаѓаат од Косово и Македонија, од други региони каде што живеат Албанци како и од албанската дијаспора.
Џемати Албан е поделен на неколку специјализирани единици, вклучувајќи една фокусирана на експлозиви и рударство, друга составена од снајперисти и единица за обука позната како „Албанска тактичка“.
Засега освен неформални извори нема јавно достапни информации кои потврдуваат дали некои членови на Џемати Албан се ветерани од војните во Косово или од Македонија.
Во интервју за A2CNN пред десетина дена командантот на албанските опозициски трупи во Сирија, Абдул Јашари, познат по името Абу Катада Албани разговарал со новинарот Ервин Ќафмола за улогата на Албанците во соборувањето на диктаторот Асад, како и за иднината на новата сириска влада.
A2 CNN е информативен канал во ексклузивно партнерство со CNN, со седиште и главен производствен центар во Тирана.
Интервјуто е на албански јазик
Најчитани статии
Македонците не ја забораваат неправдата сторена врз екс министерката од страна на СДСМ и ДУИ
Фотографија на македонско семејство ги урна сите рекорди за Нова година (ФОТО)
