Наместо да ја издржува затворската казна, Боки 13 вмешан во ново кривично дело, заедно со инфлуенсерот Стефан Лазаров, објави Радио Лидер од каде пишуваат дека ова е тест за властите и прашуваат дали почнува истрага.
Бојан Јовановски познат како Боки 13 кој е осуден на девет години затворска казна во случајот „Рекет“, наместо на издржување на затворска казна слободно се движи надвор, промовира нови песни и без дозвола од Министерството за финансии организира наградни игри, пишува Лидер.
Од таму објавуваат дека образложението на здравствените власти е дека тој е инвалид од прв степен и нема услови да лежи во затвор, но затоа, инвалидот од прв степен може да организира наградни игри и да промовира нови музички нумери. Прашањето кое го поставуваат е дали истото лице, сега надвор од затвор има кард-бланш да прави нови кривични дела без притоа да биде вратено во Идризово?
,,Партнер во дејството му е инфлуенсерот Стефан Лазаров кој на пошироката јавност и стана познат по обвиниението за ширење на омраза кон жените во неговиот подкаст.
Што прават Боки 13 и Лазаров?
Без да имаат обезбедено дозвола за организирање на игри на среќа од министерството за финансии, осудениот престапник Бојан Јовановски и обвинетиот престапник Стефан Лазаров организираат игра на среќа насловена како GIVAWAY 007, според кој ќе доделуваат автомобили, ајфони и стан во Скопје”, пишува Лидер од каде објавуваат дека Услов за да учествувате на еден од овие наградни игри е да купите карта на некоја од гала вечерите кои ќе ги организираат Боки и Лазаров, а една е најавена за нова година во дискотеката Дефакто во Гевгелија.
За да учествувате во наградната игра треба да купите билет во дискотеката во Зона А кој чини 2500 денари или во ФАН/ВИП Зона, каде картата чини 3500 денари.
Немаат дозвола од Министерството за финансии”, пишува Радио Лидер.
За да нема злоупотреби од типот на перење пари, незаконски награди и слично, наградните игри во Република Македонија се регулираат од Министерството за финансии од каде за Канал 5 утринава одговориле дека немаат никакво барање за ваква наградна игра.
-Предметот наиде на голем интерес во јавноста, а наведените лица немаат доставено барање до Министерството за финансии. Бидејќи наградата игра се спроведува без дозвола за приредување на наградна на истото согласно Законот за игри на среќа и забавните игри министерството за финансии в понеделник во контрола кај Боки 13 и Стефан Лазаров. – стои во објавата на Канал 5.
Од министерството за Финансии додаваат дека онлајн GIVEAWAY не е регулирано со закон и дека ќе бараат истото да се регулира.
Но, суштината на објавата на медиумите е дека тука не станува збор за онлаи GIVEAWAY, туку за наградна игра со услов, купување на билет за гала вечер, што е регулирано со закон.
Боки 13 молчи, Лазаров се нафрли на медиумите
Откако Канал 5 објави за случајот, со серија реакции и навреди кон медиумот излезе Стефан Лазаров. Лазаров се закани дека ќе го тужи и главниот уредник на Лидер, затоа што медиумот ја пренел веста.
Според Радио Лидер јасно е дека Лазаров и Боки 13 го прекршиле законот, затоа што продаваат билети во замена за GIVEAWAY.
Согласно членот 2 од законот за организирање на игри на среќа, Лазаров и Боки 13 морало да ја пријават нивната наградна игра. Во ставот 1 јасно пишува:
-Игра на среќа се игрите во кои учесниците имаат еднакви можности за стекнување на добивка со посредна или непосредна уплата на одреден износ (влог), а резултатот од играта ислучиво или претежно зависи од случаноста или од некој иден неизвесен настан во играта. – стои во законот.
Јасно е дека тука вие непосредно се стекнувате со право да учествувате во наградната игра доколку купите билет на Гала Вечерите на Лазаров и Боки 13, пишува Лидер.
Целата информација на линкот на Радио Лидер
Што објави Канал 5 и како реагираше Лазаров
Осудениот криминалец што прави наградна игра молчи, реагира бизнис партнерот
