Поранешниот претседател на Бугарија, Георги Прванов, пред камерите на тамошната телевизија БТВ ги поздрави чекорите на премиерот Бојко Борисов кон Македонија, нагласувајќи дека изградбата на коридорот 8 ќе направи бум во меѓусебните односи.
„Добро е што имаме заедничка историја со Македонија. Подобро е тоа што правиме заедничка историја сега. Добро е што се скратува дистанцата. Далеку поважно е да се изгради коридорот 8. Тоа ќе биде бум во нашите односи, дури и културен“, изјави Прванов.
„Не бидува историјата да биде заборавена, туку да биде прочитана разумно и да не им пречи на политичарите за да си ја вршат работата. Поважно е што двајцата премиери се среќаваат во пријателска атмосфера. Тоа се значи кон двете населенија и се создава поинаква клима“, додаде експретседателот на источниот сосед.
