Десничарска партија „Патриоти за Европа“ во Европскиот парламент, кога ќе ја „преземе политиката на Брисел“, повторно ќе ја направи Европа „голема, силна, безбедна, богата и слободна“, порача унгарскиот премиер Виктор Орбан.
Унгарскиот премиер и претседател на Советот на ЕУ Виктор Орбан вчера зборуваше на годишниот состанок на „Лига“ во Понтида, северно од Милано.
„Не треба да се повлечеме од Брисел, туку да го окупираме. Ќе го земеме Брисел од бирократите и ќе го вратиме на европскиот народ“, напиша Орбан на социјалната мреќа ‘Х’
Како што рече, првиот чекор на тој пат беше десничарската влада во Италија, вториот беше победата на Герт Вилдерс во Холандија, третиот беше победата на Партијата на слободата на Херберт Кикл во Австрија, а четвртиот беше победата на Андреј Бабиш на изборите за чешкиот Сенат.
Како петти чекор го спомена формирањето на „Патриоти за Европа“, сега трета по големина група во Европскиот парламент.
„Сега ја зајакнуваме европската партија „Патриоти“ и одиме напред на патот на обединување на десницата во Европа. Нема да застанеме. На крајот од борбата, Париз ќе се сврти, ќе ја вратиме Варшава и ќе станеме најголемата политичка сила во Европа.
Тогаш ќе ја преземеме политиката на Брисел и ќе ја направиме Европа повторно голема, силна, безбедна, богата и слободна“, напиша Виктор Орбан.
