Влатко Кешишов, еден од обвинетите за свирепите убиства на Вања Ѓорчевска и Панче Жежовки, ја повлече изјавата дека Љупчо Палевски-Палчо не бил присутен за време на грабнувањата и убиствата.
На крајот на денешносто судење рече дека изјавата не била негова и дека ја напишал под принуда на Палевски додека со комбе биле спроведувани заедно во затвор каде што издржуваат притвор.
„Изјавата не е моја”, рече Кешишов.
Како што кажа, Палевски во комбето на затворската полиција му дал ливче со напишана изјава и му кажал да ја препише со свој ракопис и да ја поднесе до судот.
Прашан од судијата зошто го направил тоа, рече: „Од страв“.
На претходното рочиште судијата Ивица Стефановски извести дека обвинетиот Влатко Кешишов поднел писмена изјава доставена од затвор во која вели дека Љупчо Палевски-Палчо на 22 и 27 ноември лани не бил со него, со Велибор Манев и со Боре Видевски, кога биле грабнати и убиени Вања и Панче и дека спиел во штабот на партијата Десна, потсетува “360 степени“
