Порталот мкд.мк денеска објавува дека екс министерот за одбрана во минатата влада Зоран Јолевски на 48 часа пред заминувањето од министерската позиција поништил четири договори за набавка на воена опрема и оружје од израeлски добавувачи.
Како што пишува мкд.мк поништените договори се во вредност од 82 милиони евра а со нив требалo да се набават оклопни транспортери, средства за комуникација, хаубици и друга опрема.
Фирмата од која што требало да се набави опремата „Елбит системи“се споменуваше и во една од „бомбите“ на Заев а беше актуелна во јавноста поради паѓањето на хеликоптерот на АРМ. Хеликоптерите на АРМ беа целосно модернизирани и добија нова опрема во рамки на друг договор меѓу министерството за одбрана и израелскиот воен комплекс.
„Елбит“ е една од технолошки најнапредните фирми за воена технологија на светот, таа работи на стотици милиони вреди договори за американското министерство за одбрана како и за други држави.
