Не можеме ние да издржиме повеќе да живееме за мизерни плати какви што даваат работодавачите во приватниот сектор.Тие можат да даваат изјави дали треба да се зголемат платите или не треба, ама да внимаваат кога ќе кажуваат следен пат дека нема работна сила во Македонија. Најголемите виновници за иселување за квалификуваните работници од Македонија се токму тие“ – Слободан Трендафилов, претседател на ССМ
Од Организацијата на работодавачи велат дека ќе ги почекаат резултатите кои компаниите ќе ги остварат годинава, за да видат дали има простор за покачување на минималецот повеќе од 1.800 денари. Сепак, за нив е неприфатливо минималната плата да се зголеми до 450 евра.
„Не може да биде прифатливо паушално зголемување на минималната плата. Постои закон, постојат параметри врз основа на кои истата се определува“ – Владанка Трајкоска, претседател на организација на работодавачи
Премиерот Мицкоски вели дека Владата ќе прифати се што ќе договорат синдикатите и газдите. Вели дека во Буџетот се предвидени средства за законското зголемување на минималната плата во март, а ако се договори дополнително зголемување ќе има и ребаланс на буџетот. Сепак, товарот во ваков случај, потенцираше дека паѓа врз стопанството.
Извор: https://alfa.mk/ekonomsko-soczijalen-sovet-nema-dogovor-za-minimalna-plata/?utm_source=rss&utm_medium=rss&utm_campaign=ekonomsko-soczijalen-sovet-nema-dogovor-za-minimalna-plata
