– Во Битола научив што е театар и затоа ми е драго што повторно режирам тука, овој пат со млада актерска екипа. Новина во овој проект е тоа што работиме класика, која е многу битна за секој репертоар, а битолскиот театар секогаш го актуализира прашањето за еден железен репертоар, кој е многу битен за квалитетна публика – истакна режисерот Цветановски.
Тој додаде дека на сите ни е потребен Дон Жуан како дух затоа што, како што рече, сѐ повеќе животот го живееме за другите, а сѐ помалку за себе. Најголемата одлика на Дон Жуан, рече, е тоа што животот го живее за себе. Играат актерите: Дамјан Цветановски во улогата на Дон Жуан, Сергеј Димовски, Борис Чоревски, Викторија Степановска-Јанкуловска, Борче Ѓаковски, Сандра Грибовска, Петар Спировски …
