Во неделата околу 15 часот момче од Македонија на возраст од 26 години се удавило во реката Аре кај Берн, откако заедно со уште еден свој пријател решило да плива.
Двете лица влегле во водата во близина на ресторанот „Ферибајцли“. Од непознати причини едниот од нив се удавил, соопштуваат од швајцарската полиција.
И покрај напорите на брзата помош, тој починал кратко време подоцна.
Пливањето во Аре се препорачува само за искусни пливачи. Швајцарското спасувачко здружение (СЛРГ) и Градот Берн обезбедуваат совети за сите што поминуваат време во и на најдолгата река во земјата.
