Граѓаните со пониски примања се уште се во прашалици кога ќе видат некој денар повеќе на нивните трансакциски сметки. Тие во исчекување на раст на минималната плата, молат Бога тоа да биде што побрзо, за подобро и понормално да го поминат месецот, оти иако се ублажува ценовниот шок, сепак парите, како што велат, не стигаат за ништо.
Првиот човек на најголемиот Синдикат во Македонија, ССМ, Слободан Трендафилов, е разочаран затоа што минималната плата се уште не достигна 450 евра. Се уште ја чека средбата со надлежните властии работодавачите за да им го соопшти ставот на работниците дека со овие плати никој не е задоволен.
„Утре ќе биде 101 ден од новата влада и повторно нема да биде ништо сменето“, рече Слободан Трендафилов од ССМ.
Трендафилов смета дека 25 илјади работници во дртжавата кои примаат плата од 22илјади и 567 денари е некоректно, односно е нечовечки да ја примаат како таква.
„10 илјади работници кои земаат плата од 1 денар до 22илјади и 567 денари е кривично дело да го прават тоа работодавачите и сметаме дека доколку сакате да покриете една синдикална минимална кошничка ви се потребни три минимални плати дека аргументите наши се издржани и сметаме дека делот за храна и пијалоци кои е веќе 23илјади недари една минимална плата не покрива ниту леб и вода“, вели Трендафилов.
Трендафилов изјави дека на први мај истакнале наколку барања меѓу кои и за раст на минималната плата на 450 евра.
