Коко Шанел советуваше да го нанесувате парфемот секаде каде што сакате да бидете бакнати. Иако тоа звучи доста интересно, не треба да заборавате дека парфемот е непријатен на вкус, па ако навистина очекувате да бидете бакнувани, подобро е да се прскате на внимателно избрани места.

Ние ќе кажеме – нанесувајте го парфемот на пулсните точки (на рачните зглобови веднаш над дланките, на внатрешната страна на лактите, во основата на грлото и зад ушните ресички). Областа од нозете зад колената и внатрешноста на глуждовите се пулсни точки кои не треба да ги потценувате. Имајќи предвид дека аромата на парфемот се движи нагоре, овие точки се доста моќни. На пулсните точки крвните садови се најблиску до кожата. Тие зрачат со топлина, која придонесува мирисот на парфемот полесно да премине од вашата кожа во воздухот.

Но, парфемот нанесен на пулсните точки поради топлината побрзо исправува. За подолго да трае мирисот на парфем на вашето тело, напрскајте се на деколтето. Така мирисот бавно ќе се пробива низ облеката во текот на целиот ден, а вашето присуство ќе мами воздишки.

За да оставите вистински впечаток и да го одржите мирисот подолго време, потребно е да знаете како, каде и колку треба да нанесете.

Најчестите грешки се кога се прска насекаде по телото, наместо само на клучните места и кога се става премногу парфем, со што мирисот станува тежок.

Парфемот не треба да биде последниот чекор во вашиот ритуал за разубавување пред излегување. Некои парфеми оставаат флеки врз облеката, па поради едно прскање може вашиот омилен фустан или вашата деликатна кошула да останат со перманентна дамка.