Словенечката влада започна процедура за признавање на палестинската држава како форма на притисок за ставање крај на конфликтот во Газа, чекор што го најави во март, изјави премиерот Роберт Голоб.
„Ужасите што ги гледаме секој ден во Газа се неприфатливи и мора да престанат“, рече Голоб, цитиран од владината платформа Х.
„Го повикувам Израел веднаш да ги прекине нападите врз Газа и да ја искористи преговарачката маса“, пренесе АФП.
Голоб рече дека би сакал признавањето на неговата земја да биде „поттик за забрзување на овие преговори“ и забрзување на дијалогот на ОН за итен прекин на огнот, ослободување на заложниците и безбедноста и постоењето на Израел преку решение со две држави.
Најавата дојде откако Ирска, Шпанија и голем број други земји-членки на Европската унија, најавија дека размислуваат за признавање на палестинска држава .
Датумот на признавање од страна на Словенија ќе зависи од успехот на напредокот во мировните преговори, кои ќе бидат најдоцна 13 јуни, рече Голоб. Доколку се забрза напредокот, Словенија побрзо ќе го заврши процесот на признавање, објави Ројтерс.
