Основачот на ултранационалистичкото косовско движење Самоопределување Албин Курти, кој е и кандидат за премиер, изјави дека обединувањето на Косово и Албанија ќе остане една од неговите главни цели, пренесува српската агенција Танјуг.
Во интервју за албанскиот портал „Шкипeрија“ Курти изјавил дека Косово ќе им даде на граѓаните право да одлучуваат на референдум за сите важни прашања, вклучувајќи и обединување со Албанија.
Тој посочи дека изборите на 11 јуни ја покажале желбата на косовските граѓани за промени, потсетувајќи дека движењето Самоопределување го удвои бројот на гласовите, како и бројот на пратениците и стана втората сила во парламентот.
Курти рече дека Самоопределување предложило партнерство со коалицијата предводена од Демократската унија на Косово и Алијансата за ново Косово. Тој, сепак, истакна дека ќе се бори за обединување со Албанија, без разлика дали ќе биде премиер или не.
Минатата недела американскиот магазин „The national intersts“ објави дека идната влада во Приштина ќе има територијални претензии кон сите свои соседи меѓу кои е и Македонија. (читај тука)