Претседателот на Државната изборна комисија (ДИК) Александар Даштевски на првата прес конференција денеска соопшти дека до 9 часот гласале 15 487 граѓани.
Излезноста е 3,85%, пресметана од податоците пристигнати од 832 избирачки места.
„Од вкупно 402.748 избирачи на овие избирачки места, гласале 15 487. Досега не се пријавени поголеми неправилности, освен некои технички проблеми кои се решаваат „во од“, рече Даштевски.
Гласањето се одвива мирно, без неправилности, оцени првиот човек на ДИК.
