„Доста со партал автобуси, ќе загинат патници“, возачот на 2-ка плачеше пред камерите

Причината за тоа што автобусот со број „2“ да заврши качен на жардиниерата кај Мавровка е блокиран односно закочен волан, и притоа беа повредени возачот и една патничка. Возачот Ферзи Арифи кој го возел автобусот вели дека раководството на ЈСП постојано им дава неисправни автобуси. Возачите редовно пријавуваат дефекти но наместо да идат на поправка неисправните автобуси им се даваат на други возачи и се распределуваат во други линии.

  • Ми е жал за патниците, но вакво нешто не може. Доста веќе… доста веќе со партал возила да убиваме патници што не се виновни…“, вели возачот на автобусот на ЈСП број 2 Февзи Арифи кој не можеше да ги совлада емотивните реакции по вчерашниот инцидент кога излета од булеварот и се качи на жардињерата кај трговскиот центар Мавровка.

Како искусен возач кој долги години ја вози оваа линија, вели дека состојбата со автобусите е крајно лоша, а токму пред новиот директот на ЈСП Драги Кушевски посведочи што точно се случи вчера. Рече дека жали многу за патниците кои се повредени и кои доживеаја стрес.

Конфедерацијата на синдикати со обвинување до раководството на ЈСП за инцидентот кај Мавровка поради нередовен сервис на автобусите. Како што велат од таму на овој начин се доведуваат во опасност вработените нои патниците. Конкретниот автобус бил пријавен за неисправен, а пред неколку дена возел и на Водно.

  • Инцидентот вчера се се случи бидејќи не бил исправен воланот, се закочил и благодарение на присебноста и искуството на возачот не дојде до поголема несреќа. За овој автобус како и за други се пријавувало дека се неисправни, но не се сервисираат. Замислете, овој автобус пред неколку дена возел до Водно“, рече претседателот на Конфедерацијата на синдикални организации на Македонија Марјан Ристески.

Новиот директор на ЈСП Драги Кушовски, ги обвини за ширење шпекулации, ги демантира овие тврдења и потоа побара да приложат извештај во кој пишува дека автобусот е неисправен.