Вкупно 84 милиони евра од унгарскиот кредит се префрлени кон Македонската развојна банка, а интересот кај компаниите е многу поголем од очекуваниот, вели министерката за финансии Гордана Димитриеска-Кочоска.
Како што изјави денеска, средства се бараат од сите сектори.
- Интересот кај компаниите е голем, очекуваме да бидат исцрпени предвидените 250 милиони евра, истакна Димитриеска-Кочоска, одговорајќи на новинарски прашања по одбележувањето на Денот на Царината.
