Најдобриот македонски кошаркар Ненад Димитриевиќ играше за „тимот на Дражен“ на спектаклот во Загреб организиран во чест на 60-годишнината од раѓањето на кошаркарската легенда Петровиќ, кој трагично загина на 28 години во сообраќајна несреќа во 1993 година.
Бекот на Олимпија Милано и на репрезентацијата на Македонија придонесе со 9 поени за победата на „тимот на Дражен“ од 110:107 против селекцијата на Хрватска.
Соиграчи на Димитриевиќ му беа Ларкин, Џанан Муса, Обст, Вања Маринковиќ, Јака Блажиќ, Шенгелија, Тавареш, Матијас Лесорт, Бобан Марјановиќ, предводени од тренерите Жељко Обрадовиќ и Невен Спахија, а за „коцкестите“ настапи и Хезоња.
Со своето присуство спектаклот го збогатија колегите на Дражен од репрезентацијата на некогашна Југославија – , братот Александар Петровиќ, Дивац, Кукоч, Раѓа, Даниловиќ, Паспаљ, а беа присутни и НБА-ѕвездите Дончиќ, Драгиќ и Бојан Богдановиќ.
Врв на спектаклот беше обраќањето на присутните од холограмот на Дражен, кој измами солзи кај многумина во салата.
