Деведесет отсто луѓе во Македонија не одобруваат врски меѓу припадници на ист пол, пишува „Лили“, кој се претставува себеси како прв весник во САД за и од жени.
„Оваа недела УНДП и УСАИД објавуваат докази за правата на лезбијките, геј, бисексуалните, трансполовите и меѓуполовите (ЛГБТИ) лица низ Западен Балкан – најголемата студија досега во регионот. Иако има некои знаци на напредок во политиката и во законодавството, повеќето наоди се мрачни. Во поранешната југословенска Република Македонија девет од десет граѓани не одобруваат истополови врски. Во Србија 70 проценти од ЛГБТИ-заедницата искусила психолошко насилство и малтретирање. Во Албаннија 94 отсто од наставниците велат дека никогаш не познавале ЛГБТИ-ученик. Во Босна и Херцеговина 44 отсто од родителите велат дека, ако нивното дете излезе дека е ЛГБТИ, тие би се обиделе да го ‘излекуваат’“, пишува „Лили“.
