ВМРО-ДПМНЕ: Од денес почнува последната битка за промените

Шест и пол години Македонија е понижувана, угнетувана, ограбувана. СДС уништи сè и ја уназади Македонија. За шест и пол години колку што е СДС на власт растот на БДП по глава на жител во Македонија е само 20%, додека кај земјите во регионот е над 50%. Нема поголем доказ дека шест и пол години Македонија ја водат неспособни и криминални луѓе од ова, се вели во денешната најава на ВМРО-ДПМНЕ за вечерашниот митинг пред зградата на Владата на Македонија.
Шест и пол години нема учебници за учениците, се краде на болните од рак, субвенции доцнат. Време е да се случат промени. Време е Македонија да се исправи. Од денес почнува последната битка за промените.

-Ги повикуваме сите граѓани во 20 часот на платото пред Влада на голем сенароден митинг да ѝ порачаме на власта дека нејзиното време заврши.

Имаме план и програма да донесеме просперитет. За Македонија повторно твоја. Промените се во твои раце“, соопшти ВМРО-ДПМНЕ.