Фудбалерите на Вардар славеа со 3:2 против лутиот градски ривал Шкупи во првиот натпревар на повратникот Гоце Седлоски на клупата во 14. коло од Првата македонска фудбалска лига на Националната арена „Тодор Проески“.
Некогашна Слога Југомагнат поведе преку Јапонецот Јумеми Канда по 10 минути игра, по што следуваа два гола на „црвено-црните“ од босанскиот интернационалец Горан Закариќ во 31. минута и Христијан Николовски во 40. минута.
Џемал Ибиши израмни во 76. минута, по што победничкиот гол за Вардар го постигна капитенот Дарко Мицевски седум минути пред крајот.
Со овие три бода, вкупно 11, најтрофејниот македонски фудбалски клуб сега е претпоследен на табелата, со еден бод повеќе од Тиквеш, а ја дели позицијата со Воска.
