Република Нова Македонија, Република Северна Македонија, Република Вардарска Македонија, Република Горна Македонија и Република Македонија (Скопје), сите со македонска транскрипција, напишани на латиница, односно Republika Nova Makedonija, Republika Severna Makedonija, Republika Vardarska Makedonija, Republika Gorna Makedonija I Republika Makedonija (Skopje), неофицијално се имињата содржани во предлогот што го ставил на маса посредникот Метју Нимиц на вчерашната средба со преговарачите Адамантиос Василакис и Васко Наумовски во ОН во Њујорк.
Ова го тврди порталот мкд.мк според кој краткото име што би се користело би било Nova Makedonija, Severna Makedonija, Vardarska Makedonija ili Gorna Makedonija.
Слични информации предходно беа објавени во емисијата “60 минути со Горан Момироски” на ТВ Алфа веднаш по средбата на преговарачите во Брисел.
За јазикот, неофицијално се предлага да биде „македонски“ („makedonski“), или „official language of the Republika Severna Makedonija или Nova, Vardarska, Gorna, со можност другите земји да избираат сами дали ќе го преведат или не, додека за националноста има две опции-„македонска“ на латиница-„mаkedonska“ и во зависност од името, на пример „of the Republika Severna Makedonija“ .
Според Нимиц новото име мора да се користи и во уставот и личните донументи односно според формулата Ерга Омнес.
Во таканаречениот сет идеи има и други дваесетина точки, вклучувајќи го и користењето на името за комерцијални цели, односно во трговските односи.
За нашиот преговарач, амбасадорот Наумовски предлозите дадени вчеравод медијаторот Метју Нимиц се далеку од достоинствено решение.
